Adunako herri eskola

2021-2022 ikasturtean, Adunako eskolan bazkaltzen geratzen direnean, EKAINEKO menua hau duzue. OHARRA: Noizean behin otorduren bat alda daiteke.  

Aurreko astean, mendizaleek, 3 taldetan banatuta eta Adunako mapa zutela, hiru ibilbide ezberdin egin zituzten, denak herriko plazan bukatzen zirenak.

Atzo, Donostian Urdinduz 2022 ospatu zen, autismoaren aldeko martxa solidarioa. Gaur, Adunako eskola ere urdindu dugu! Denok autismoaren alde! Urdindu gure mundua!

Aurreko astean, Aranzadi elkartekoak Adunara etorri ziren enarei buruz gauza interesgarriak kontatzera.

Eskolako baratza inoiz baino biziago dago. Angelaren lanarekin eta ikasleen eta gurasoen laguntzarekin,  garaiko produktuak ekoizten ditugu, gero eskola aurrean jartzen dugun azokan saltzeko. Km 0!!

Ahateek eta Tximinoek kartoiaren tailerra egin dute frontoian. Zenbat gauza egiten dituzten eskolako txikiek!!!

Tximinoak eta Ahateak ur txorrotan egon dira. Egun hauetako beroei aurre egiteko modu paregabean igaro dute goiza!

Pasa den astean, Ahateak eta Tximinoak egun pasa egin zuten baso eskolan. Egun ederra izan zuten eta bertan jolasten aritu ziren eta bazkaldu zuten ere!

Aurreko ostiraleko irratsaioan, mendizaleek erronka bat proposatu zieten ikasleei. Kilo batean zenbat babarrun ale zeuden esaten gehien gerturatzen zenari, Errealeko nesken partidurako 3 sarrera emango zizkioten. Hodei izan zen gehien gerturatu zena. ZORIONAK!!

Aurreko ostiralean, maiatzaren 13an, 42. irratsaioa egin genuen eta Xabier Berasaluze Leturia elkarrizketatu genuen. Dagoeneko entzungai daukazue bertatik irratsaio osoa. Hemen, irratiko partaideak eta musikariak ateratako argazkia.

Ostiral honetan, maiatzaren 13an, arratsaldeko 14:45etatik aurrera, Berritsu irratiak bere 42. irratsaioa eskainiko dizue. 98.2 irrati frekuentzian izango dituzue entzungai eskolako zipriztinak, diskoen eskaintza...eta Xabier Berasaluze Leturiari egindako elkarrizketa ere. Animatu entzutera!!!

Mendizaleak eta Tximinoak Loatzo musika eskolakoekin egon ziren haiek prestatutako ekintza batzuk burutzen.

Tximinoen eta ahatetxoen gelako ikasleak elkarrekin joaten hasi dira baso eskolara hiruhilabete honetan.

Udaberriarekin batera, baso eskola lorez betetzen ari zaigu. Gaur lore hauen izenak ikasi ditugu: Bitxilorea, Gingil zuria, Gingil gorria eta Urre botoia.

Literatur astea izan dugu eskolan eta hainbat ipuin kontalari izan dira gurean. Tony Muntadas, Yolanda Arrieta, Juan Kruz Igerabide, Enkarni Genua eta Alaitz Ostolaza. Eskerrik asko!!!