Adunako herri eskola

Astokiloek Munduko Mitologiekin jarraitzen dute. Orain, Txina, Brasil, Eskozia eta Eskandinabiako bideoak egin dituzte. 

Astokiloen geloakoen partetik, bi bideo gehiago dituzue bertan, oraingoak Erromako Mitologiari buruzkoak. Animatu eta parte hartu!!

Aurreko ostirala, abenduak 17, Berritsu irratiko 40. irratsaioa izan genuen. Astokiloen gelakoak izan genituen eta Aitor Aldalur Amorebieta Futbol Taldeko jokalaria elkarrizketatu zuten. Atal hau eta gainontzeko guztiak entzun nahi badituzue, iada bertatik ahal duzue. Arazoak izan genituen, oraingo honetan musikarekin, baina aurrera egitea lortu genuen. Aupa Astokiloak!!  

Astokiloen gelakoek jolas bat proposatzen dizuete. Japoniako, Kanadako eta Mexikoko Mitologiari buruzko hiru bideo egin dituzte eta bakoitzean 3 galdera erantzutea eskatuko zaizue. Gai izango al zarete erantzunak asmatzeko? Aurrera!! Parte hartu eta utzi zuen erantzunak iruzkinetan!!

Gabonak eta kontsumo tailerreko arduradunak etorri dira eta mendian Euskal mitologiako pertsonaiak aurkitzeko prismatikoak egin dituzte Tximinoen gelan.

  Abenduaren 3, Euskararen Nazioarteko Eguna  Eguraldi txarra dela eta, frontoian jolas kooperatiboak egin ditugu eta ondoren merienda goxoa jan dugu. Primeran pasa dugu!!

Dagoeneko iritsi da Euskararen Nazioarteko eguna! Egun berezia da gaurkoa, bai horixe! Ospatzeko jolasak egingo ditugu eta ondoren merienda goxoa jango dugu Basopeta guraso elkartearen eskutik. Guk euskaraz, eta zuk?

2021/2022 ikasturtean, Adunako eskolan jangelan bazkaltzen gelditzen direnen ABENDUKO menua honako hau duzue. OHARRA: Noizean behin otorduren bat alda daiteke .

Gaur Ahateen gelakoak lehen aldiz baso eskolan izan dira, eta nahiz eta girorik onena ez izan, primeran pasa dute naturarekin jolasean.

  Aste honetan, Pegasoei eta Zentauroei Jolas Parkean tokatzen zitzaien, baina eguraldiagatik, frontoian sartuta egon behar izan dira. Gaur, eguzkia ere atera da eta Jonek ondo aprobetxatu du momentua 

  Aste honetan Eskolako Baratzatik jasotako barazki sorta errez saldu da gurasoen artean. Letxuga, eskarola gorria, kalabazinak, perrexila eta piperrak izan dira aste honetako produktuak! Eskerrik asko familiak zuen parte hartzeagatik! Azoka txikian jasotako diruarekin haziak eta landare berriak erosiko ditugu!

Tximinoen gelako ikasleak, Euskal mitologia proiektuan murgilduta, Tartalo eta Lamia pertsonaia mitologiko erraldoiak egin dituzte.  

Pasa den ostiralean, azaroaren 5ean, Astokiloen gelakoek eskainitako irratsaioa izan genuen. Gure gonbidatua Arantxa Arza irrati esataria izan zen. Sari asko banatu genituen eta nahiz eta telefonoarekin arazoak izan, primeran pasa genuen. Irratsaioa entzuteko aukerarik izan ez zenutenek edo berriro entzuteko aukera izan nahi baduzue, iada ahal dezue bertatik. Eskerrik asko!!!

Berritsu irratia zuzenean!! Ostiral honetan, azaroak 5, arratsaldeko 14:45etatik aurrera Berritsu irratiaren 39. emanaldia izango dugu, zuzen-zuzenean!! Arantxa Arza irrati esataria elkarrizketatuko dugu. Beti bezala gonbidatuak zaudete entzun eta parte hartzera!!! Etxeko entzuleak animatu zaitezte diskoen eskaintzan eta lehiaketan telefonotik deituz parte hartzen!!! FREKUENTZIA 98.2 FM

2021/2022 ikasturtean Adunako eskolan jangelan bazkaltzen gelditzen direnen AZAROAKO menua honako hau duzue. OHARRA: Noizean behin otorduren bat alda daiteke.

Adunako eskolako txikienak, ahatetxoen gelakoak; baratzako lanetan aritu dira. Baba eta ilarrak landatu dituzte hazitegietan. Txapeldunak!

Aurten ere, Adunako eskolan "Gau beltza" ospatu dugu. "Sagarra jo" Kalakaren abestiarekin dantza polit bat antzeztu eta gaztainak bapo jan ditugu!!! Arratsalde ezin hobea pasa dugu.

Ostiralean "Gau beltza" ospatuko dugu eskolan eta tximinoen gelakoak gaur arratsaldean kalabazak hustutzen egon gara.

 Aurreko astean Zugarramurdiko Sorginen Etxera joan ginela aitzaki, aste honetan Zentauroak eta Pegasoak, bertan oinarritutako Escape Room birtualean jolastu dira.  Zuk ere jolastu nahi duzu? Hemen duzu jolasa eta agian, momentu batean, erabili beharko duzun kodea ere. Hartu arkatza eta papera, eta aurerra! 

 Urriak 31 gertu daukagun, eta horrekin batera Gau Beltza.  Baina, ba al dakizue festa zer den? edo nondik datorren? Ba al zenekiten garai batean nola mozorrotzen ziren? PEgaso gelakoek aurkezpen berezi bat prestatu dute galdera hauei erantzunez. 

Lehen hezkuntzako ikasle eta irakasleak, Graxiana sorginen aterpetxean gaua pasa dugu: era askotariko tailerrak, ibilaldiak, jolasak... Oso ondo pasa dugu eta ondorengo bideoa ikusten baduzue inbidia pixka bat pasako duzue.

Ikusi ikusi bideoa!!!

Tximinoak ederki ibili dira baso eskolan. Tirolina eta eskaladan ibili dira badoko zuhaitzetan, lokatzetan jolasten aritu dira lurreko enborretan eta basoko etxearen lurra garbitzen ere aritu dira.

 

Tximeleta sortzeko metamorfosian doan Larba polit bat aurkitu dute Markelek eta Zayrak. Gose aseezinez hostoak jaten dituena. Handitzean pupa batean sartuko da eta tximeleta polit bat bihurtuko da.

 

"Canva" programa erabiliz  euskal mitologiari buruz posterrak sortu eta aurkezpenak prestatu ditugu. Ondoren gure lagunei aurkeztu dizkiegu.

  Cursor atenttion deskargatzeko enlazea https://cursorattention.software.informer.com/1.4/

Tximinoek baso eskolan egurrak bildu dituzte eta tipia eraikitzen hasi dira. Animali ugari ikusi dituzte kukurutxa (intsektu bola) , txitxarea, kakalardoa, armiarma, txingurria, barea, barraskiloa, arrak... Zuhaitzean kolunpioa ere jarri dute eta ezkurrekin zirkuito jolasak egin dituzte.

 Naturak eramaten dizkigun materialekin norberak egindako arte lanak

Eskolako baratzetik jasotako barazki guztiak saltzen ditugu azokan!  Animatu erostera!

Udaletxeko "Agenda 21" proiektoaren mugikortasun gaiarekin lotuz, Tolosako Edu eta Josu etorri zaizkigu "bizikleta tailerraren" berri ematea. Zulatua arreglatzen ere ikasi dugu eta praktikatzea oso garrantzitsua dela esan digute. Mila esker Josu eta Edu gure eskolara etortzeagaitik.

2021/2022 ikasturtean Adunako eskolan jangelan bazkaltzen gelditzen direnen URRIAKO menua honako hau duzue. OHARRA: Noizean behin otorduren bat alda daiteke.

LH6. mailakoak "astokiloak" gaur Leitzarango sorginen zubira joan gara bizikletan. Egun ederra pasa dugu eta inbidia pasa nahi baduzue beheko bideoa ikusi.

Gaur, urtero bezala, Galtzagorriko Imanol etorri zaigu "LIBURUEN ALTXORRAREN" kaxa ekarri, bertako ipuin berriak kontatu eta erakustera.  Gure eskolan 4 asteetan egongo da 130 liburu dituen kaxa hau.   Mila esker Imanol ipuinak kontatzeagatik eta kaxa ekartzeagaitik!

Ataungo Barandiaran museoan egon dira gure ikasleak. Mari, Tartalo, Lamiak, Galtzagorriak eta Sorginen kondairak kontatu dituzte Baserriko Ganbaran eta ondoren, errota ikusi dudu barrutik eta kanpotik. Artoirina nola egiten den ikusi dugu. Azkenik, Tartato eta Martin Txiki etorri dira ipuin bat antzeztera.

Eskolako baratza martxan jarri dugu eta honekin batera eskolako azoka! Ostegunetan eskolan ereindako barazkiak salduko ditugu. Iazko ikasturtean landatutako tomate eta piperrak saldu ditugu gaurkoan. Ateratzen dugun diruarekin hazi eta barazki gehiago erosiko ditugu. Honetaz gain, letxugak, piperrak, azenarioak eta porruak landatu ditugu!

Canva programa erabiltzen Cursor attention punteroa Telefonoarekin eskaneatzen Wetransfer bideo tutoriala Irakurle digitala istalatzen eta erabiltzen KAHOOT bideo tutoriala Audacity bigarrengo atala Audacity lehenengo atala Blogean bideo bat txertatu DRIVEN karpetak antolatu OBS web kamara OBS studio Classroom sortu irakasleak MEET bideoak sortzeko 2 aukera Pantaila edo irudi bat kapturatu

Urtero bezala, hilak 10, Basopetara joan ginen. Bidean hostoak eta makilak jaso genituen. Jolasteko eta txabolak egiteko tartea ere izan genuen. Primeran ibili ginen elkarrekin jolasean.

Canba programa erabiltzen MEET bideoa onartu Ikasle/Guraso Gmail posta elektronikoaren fondoa pertsonalizatu Pantaila edo irudi bat kapturatu Classroom ikasleak eta gurasoak DRIVEN karpetak antolatu Audacity lehenengo atala Audacity bigarrengo atala Irakurle digitala istalatzen eta erabiltzen Wetransfer bideo tutoriala Cursor attention punteroa

Atzo, urtero bezala, ikasturteko lehen txangoa egin genuen. Elkarrekin hartu-emanak sendotzen primeran ibili ginen.

Ostiralean, ikasturteko lehen txangoa egin genuen Amasara. Bizikleta zirkuitoan saltoka oso gustura ibili ginen eta elkarrekin hartuemanak sendotzeko ere primeran etorri zitzaigun.

Gaur, ikasturteko lehen txangoa egin dugu Zizurkilera. Gaurkoa ere elkarrekin hartuemanak sendotzeko ere primeran etorri zaigu.

 Eskolako 1. Eguna iritsi da eta pasiluak motxila eta mantaletaz bete dira. HH-ko ikasleak jolasteko gogoz etorri dira.