LITERATUR ASTEA 📚

 Aurreko astean, gure eskolan Literatur Astea ospatu genuen, eta benetan esperientzia berezia izan zen ikasleentzat. Literatur astea ikasleen kulturarako eta ikaskuntzarako garrantzitsua da, eta askotariko onurak ekartzen ditu. Aste osoan zehar, literatura munduarekin duten harremana indartu genuen, eta irakurketa eta istorioen bidez, ikasleek kultura aniztasuna ezagutu zuten.

Hiru hizkuntzetan kontatu genituen ipuinak, gaztelaniaz, euskaraz eta ingelesez eta euskalki berria sartuz ere, Bermeotarrez istorioa entzuteko aukera izan zuten. Ikasleek beste hizkuntza eta kultura batzuk ikasi eta praktikan jarri ahal izan zituzten modu honetan. Horrela, irakurketa ez zen bakarrik hizkuntza bat ikasteko aukera, baizik eta munduaren ikuspegi zabalago bat lortzeko. 

Gurasoak ere gonbidatu genituen gurera.

Ikasleek asko gozatu zuten, eta ikusi genuen nola ingurune egokia erabiliz irakurketak ikasleen sormena eta imajinazioa suspertzen dituen. Horrekin batera, ikasleen artean elkartrukeak eta eztabaidak sortu ziren, eta horrek guztiak literaturaren garrantzia azpimarratzen du.

Azken egunean, ikasleek beren ipuinak sortu zituzten gela bakoitzean modu kooperatiboan, eta irratitik kontatu zizkieten beste ikasleei. Horretarako, ipuin horiek entzun eta ondoren, marrazkiak egin zituzten, sortutako istorioak bisualki adieraziz. Marrazki horiek guztiak eskolan ikusgai izango dira, eta ikasleen sormenaren erakusgarri bilakatuko dira.

Irratsaioa hemen entzungai duzue:

👉Literatur Astea👈