Saltatu eta joan eduki nagusira

Ongi etorri 25/26

 Kaixo denoi, ikasturte berriari hasiera emateko prest?

Dagoeneko irailaren atarian gaude, eta gure eskolako ateak berriro zabaltzeko irrikaz gaude, zuekin batera abentura berri honetan murgiltzeko. Batzuentzat, ikasturteko lehen eguna izango da, eta beste batzuentzat, aldiz, aurpegi ezagunengana itzultzeko aukera.

Aurten, gainera, ilusio gehigarri batekin gatoz, bi aurpegi berri izango ditugulako gure artean. Horiek ezagutzeko aukera izango duzue laster. Gainontzekook, jada ezagutzen gaituzuenez, badakizue zein gogo eta ilusioarekin gatozen zuekin berriro elkartzeko.

Irakasle guztiok ilusioz beterik gaude zuekin elkartzeko eta urtean zehar bidean lagun izateko.


Ongi etorri, eta besarkada handi bat denoi!

Iruzkinak

Argitaratu iruzkina

Beheko karratuan Iruzkina idatzi ondoren, identitate laukitxoan (Izena/URLa) aukeratu eta zure izena jarri. URL hutsik utzi eta (ARGITARATU).

Blog honetako argitalpen ezagunak

Berritsu irratia 21. emanaldia

Ibai, Ander, Jone, Inhar, Ekiñe, Lohitzun, Amaia, Eneko, Urko eta Joanesi egokitu zaigu irratsaioa egitea. Oraingo honetan Imanol Otermin eta Jose Mari Agirre elkarrizketatzeko aukera izan dugu. Oso gustura gaude egindako lanarekin. Espero dugu zuei ere gustatu izana, eta irratsaioa berriz entzun nahi baldin baduzue, beheko estekan duzue entzungai.
1 iruzkin
Irakurri informazio gehiago

BIBA ZUEK!!📺🎤

Ostegun honetan, gure ikasleak Biba zuek   programan   parte hartu zuten, Aduna eskolako Berritsu irratiaren nondik norakoak kontatu zituzten eta zuzeneko irratsaioa egiteko aukera izan zuten Maialen, Xabier eta Arantxa aurkezleekin batera, telebista eta mikrofonoaren aurrean izatearen emozioa bizitzeko esperientzia paregabea izan zen. Harrotasunez, biba zuek eta biba Adunako herri eskola!! 
Argitaratu iruzkina
Irakurri informazio gehiago

Ikasturte amaierako jaialdia🎊🥳

Ekainaren 14an ospatu genuen gure eskola komunitatearen ikasturte amaierako jaialdia, eta benetan egun berezia izan zen guztiontzat. Urte osoan zehar egindako lanaren ostean, momentua iritsi zen elkarrekin ospatzeko eta 6. mailako ikasleei agur hunkigarria egiteko. Goizean, jaialdia jolasekin hasi genuen frontoian. Ondoren, ikasleen eta familien aurrean agurra egiteko unea heldu zen. 6. mailako ikasleek eskolari agur esateko une berezia izan zuten ere. Sorpresa berezi bat prestatu ziguten: Saturday Night abestia dantzatu zuten, eta denok txaloka eta animatzen aritu ginen.💃🕺 Eguna borobiltzeko, bazkari goxoa izan genuen eta jai giro aparta izan zen. Bingoa, apustua, musika... girotu zuten arratsaldea.🎤 Eskerrik asko parte hartu duzuen guztioi eta bereziki 6. mailakoei, zorte on etapa berrian!
Argitaratu iruzkina
Irakurri informazio gehiago