Adunako herri eskola

Azkenekoz, Tulipan Txikia ipuina kontatuko dizuegu gaur. Entzun erne, eta ea zein da irakasle ezkutua?

Kalabaza gelako Denisek Literatura Astean zehar ipuintxo hau idatzi eta zuentzako grabatu du. Izugarri polita da, entzun entzun!!

Asteko azkeneko egun honetarako, Leire Bilbaoren Xomorropoema liburuko hainbat poesia dituzue. Piztia Poetikoa  Pizti honen marrazkia egingo al zenuke? Horrela bada, egin ondoren bidali irakasleari, gero blogean jarriko dugu!   Gauean ezin lo egin? Ohean arditxoak kontatzen laguntzeko poesia duzue honakoa:   Aurpegiaren metafora    Poesiak esandakoa marraztuko al zenuke? Gogoratu, gero irakasleari bidaltzen. Zein da irakasle ezkutua? Asmatuko al zenuke?

Kaixo kaixo!!  Kalabaza gelako Julenek "Elefante Harroa" ipuintxoa kontatuko dizue. Espero dugu gustatzea.  Asteburu ona izan!!

Kirmen Uriberen Kukua kontutxoa duzue gaurkoan. Zein da irakasle ezkutua? 

Gaurkoan Begoña Ibarrolaren  Zeurea da errua ipuina duzue entzungai. Eskolako zein irakaslek kontatu du?

Apirilaren 23an  liburuaren eguna ospatzen da. Aitzaki horrekin urtero Literatura astea antolatzen dugu eskolan eta aurten ere. Bai horixe! Astean zehar irakasleok grabatutako audioak blogera igoko ditugu; ipuinak, olerkiak... Espero dugu asko gustatzea eta literaturaz gozatzea!

Hona hemen lehenengo ipuina: Mateo Txistu. Asmatuko al zenuke zein irakaslek kontatu duen ipuina? Idatzi zure ustetan iruzkinetan