Saltatu eta joan eduki nagusira

MASKARADA

Kaixo, Inauteriak hurbiltzen ari zaizkigu eta prestaketa lanetan jarraitzen dugu. Hurrengo egunetan entseguak egingo ditugu, dantzak gurekin ikasteko, bertan parte hartzea gonbidatzen zaituztegu: ASTEAZKENA 22, 11:30tan
 OSTEGUNA 23, 15:30tan
Ekitaldiaren bukaeran Agur Xiberua kanta abestuko dugu, berau ikastea ere animatzen zaituztegu. Maskarada ostiral arratsaldean egingo da:eskolako sarreratik irteera 14:45tan izango da.

Agur Xiberua, 
bazter guzietako xokorik ederrena. 
Agur sorlekua,
 zurekin ditut ametserik  goxoenak.
 Bihotzan erditik 
bortzetan elki deitadazut hasperena.
 Zu utzi geroztik
 bizi naiz tristerik, 
abandonaturik; 
ez baita herririk, 
Paris ez besterik,
 zu bezelakorik. 
Sor lekua utzirik gazte nintzelarik
 Parisen sartu nintzen kuraiez beterik.
 Plazerez gose eta buruan harturik
behar nuela alegera bizi
bortzetan geroztik
nigar egiten dit
 Xiberua zuri.
Agur Xiberua …

Iruzkinak

Blog honetako argitalpen ezagunak

Ikasturte amaierako jaialdia🎊🥳

Ekainaren 14an ospatu genuen gure eskola komunitatearen ikasturte amaierako jaialdia, eta benetan egun berezia izan zen guztiontzat. Urte osoan zehar egindako lanaren ostean, momentua iritsi zen elkarrekin ospatzeko eta 6. mailako ikasleei agur hunkigarria egiteko. Goizean, jaialdia jolasekin hasi genuen frontoian. Ondoren, ikasleen eta familien aurrean agurra egiteko unea heldu zen. 6. mailako ikasleek eskolari agur esateko une berezia izan zuten ere. Sorpresa berezi bat prestatu ziguten: Saturday Night abestia dantzatu zuten, eta denok txaloka eta animatzen aritu ginen.💃🕺 Eguna borobiltzeko, bazkari goxoa izan genuen eta jai giro aparta izan zen. Bingoa, apustua, musika... girotu zuten arratsaldea.🎤 Eskerrik asko parte hartu duzuen guztioi eta bereziki 6. mailakoei, zorte on etapa berrian!

BIBA ZUEK!!📺🎤

Ostegun honetan, gure ikasleak Biba zuek   programan   parte hartu zuten, Aduna eskolako Berritsu irratiaren nondik norakoak kontatu zituzten eta zuzeneko irratsaioa egiteko aukera izan zuten Maialen, Xabier eta Arantxa aurkezleekin batera, telebista eta mikrofonoaren aurrean izatearen emozioa bizitzeko esperientzia paregabea izan zen. Harrotasunez, biba zuek eta biba Adunako herri eskola!! 

Bizikleta martxa Asteasura! 🚴☀️

Ekainaren 13an, LH3tik LH6ra arteko ikasleok bizikleta martxa egin genuen Asteasura. Goizean goiz abiatu ginen eskolatik, kaskoak jantzita eta bizikletak prest genituela. Asteasun goiza pasa genuen: atseden hartu, jolastu eta lagunekin primeran ibili ginen. Sekulako beroa egin zuen! 🌞 Eskolara bueltan, denak izerdituta eta nekatuta baina pozik iritsi ginen. Eta freskatzeko, busti egin ginen urarekin. 💦 Ibilbide eta egun politta izan zen.