Adunako herri eskola

Atzo ikasturte honetako lehen irratsaioa ospatu genuen, eta primeran pasa genuen bai prestaketetan bai zuzenekoan ere. Hasieran  urduri samar egon ginen, baina ilusio handiz egindako lanari esker saio polita atera zen.  Eskerrik asko parte hartu duzuen guztioi eta adi egon…  hurrengo irratsaioak bidean daude!  🚀🎧 Irratsaioa entzuteko aukera galdu bazenuten, ez kezkatu,  nahi duzue n momentuan gozatzeko h ementxe duzue entzungai 👂👇 58.irratsaioa

Skeletoen dantzaren bideo isilari ahotsa jartzea izan da gure proiektua. Horretarako, lehenik gidoia idatzi dugu, eta ondoren ahotsa irratian grabatu dugu. Grabazioa eginda, bideoaren muntaia  egin ahal izan dugu. Lanik zailena ahotsa bideoaren momentu zehatzekin bat etortzea izan da, baina egia esan, ahotsa grabatzen primeran pasa dugu eta asko disfrutatu dugu. Hona hemen egindako lanaren emaitza ⬇️📽️ Eskeletoen dantza

Kaixo! Gu Markel eta Zumai gara, eta ELE eremuan liburutegi txoko berri bat sortu dugu. Horretarako, STEAMen apalategiaren muntaia egin dugu, eta emaitzarekin oso pozik gaude. Orain, gure ipuinak txukun-txukun antolatuta daude 😊 Egindako lanaren emaitza ikusteko, h ona hemen bideoa ⬇️📚 Eskerrik asko irakurtzeagatik! Montessori apalategia

Ostiralean Gau Beltza ospatu genuen Adunako Herri Eskolan. Tradizioz beteriko egun honetan hainbat jarduera aurrera eraman genituen. Kalabaza bizkotxoa prestatu🍰, eskulanak egin 🎨, kalabazak hustu, margotu eta apaindu , eta mozorrotu egin ginen. Eguna bukatzeko gure beldurrak erre eta  PISTA JOLASA egin genuen herrian zehar 🕵️‍♀️. Eguna borobiltzeko, guraso elkarteak antolatutako 🌰 gaztai jatea izan zuten gure eskolako ikasleak. 🎃 Xanduli, manduli, kirrikiki, eman jatekoak guri! 🍬🍫

📚 Bikoteka Irakurtzen👦👧 Gure eskolan hilabetero ikasleek bikoteka irakurtzen dute. Helburua da elkarri lagunduz irakurketan trebatzea 📖 eta irakurtzeko gogoa piztea. Handienek txikienei laguntzen diete, eta horrela irakurketak giro goxoa eta atsegina sortzen du.

  Asteartean Aiztondo Txiki ospatu genuen Zizurkilen.  Mendiagain eskolako ikasle eta irakasleek ibilbide eta pista jolasa herrian zehar prestatu zizkiguten.  Beste eskolako haurrekin jolastu, barre egin eta lagun berriak egiteko aukera paregabea izan genuen.  Eguna dibertigarria eta atsegina izan zen eta poz pozik bueltatu ginan denok etxera 🏡.

 🌞 Lehen Hezkuntzako ikasleak Zuhatzara joan gara gaua pasatzera, uretako eta lehorreko ekintzak egin ditugu; pedalo, eskalada, surf, arraun...Naturaz inguratuta eta eguraldia lagun, primeran pasa dugu. Barre, abentura eta momentu pila bat izan ditugu. 🌳🤝💚 🎥 Gainera, prestatutako bideo honetan  ikusi ditzakezue egun horietako argazki eta momentu politenak. 📸

                                                             Kaixo, Gaur, irailaren 25, Mariren bisita izan dugu.  Liburuaren altxorrean topatuko ditugun  liburuak erakutsi eta  pasarte batzuk irakurri dizkigu. Liburuak eskolan geratuko dira azaroak  4ra  arte, eta gero beste eskola batera bidaiatuko dute. Bitartean liburu hauetaz gozatuko dugu.📚

  Kaixo denoi, ikasturte berriari hasiera emateko prest? Dagoeneko irailaren atarian gaude, eta gure eskolako ateak berriro zabaltzeko irrikaz gaude, zuekin batera abentura berri honetan murgiltzeko. Batzuentzat, ikasturteko lehen eguna izango da, eta beste batzuentzat, aldiz, aurpegi ezagunengana itzultzeko aukera. Aurten, gainera, ilusio gehigarri batekin gatoz, bi aurpegi berri izango ditugulako gure artean. Horiek ezagutzeko aukera izango duzue laster. Gainontzekook, jada ezagutzen gaituzuenez, badakizue zein gogo eta ilusioarekin gatozen zuekin berriro elkartzeko. Irakasle guztiok ilusioz beterik gaude zuekin elkartzeko eta urtean zehar bidean lagun izateko. Ongi etorri, eta besarkada handi bat denoi!

Ostegun honetan, gure ikasleak Biba zuek   programan   parte hartu zuten, Aduna eskolako Berritsu irratiaren nondik norakoak kontatu zituzten eta zuzeneko irratsaioa egiteko aukera izan zuten Maialen, Xabier eta Arantxa aurkezleekin batera, telebista eta mikrofonoaren aurrean izatearen emozioa bizitzeko esperientzia paregabea izan zen. Harrotasunez, biba zuek eta biba Adunako herri eskola!! 

Ekainaren 14an ospatu genuen gure eskola komunitatearen ikasturte amaierako jaialdia, eta benetan egun berezia izan zen guztiontzat. Urte osoan zehar egindako lanaren ostean, momentua iritsi zen elkarrekin ospatzeko eta 6. mailako ikasleei agur hunkigarria egiteko. Goizean, jaialdia jolasekin hasi genuen frontoian. Ondoren, ikasleen eta familien aurrean agurra egiteko unea heldu zen. 6. mailako ikasleek eskolari agur esateko une berezia izan zuten ere. Sorpresa berezi bat prestatu ziguten: Saturday Night abestia dantzatu zuten, eta denok txaloka eta animatzen aritu ginen.💃🕺 Eguna borobiltzeko, bazkari goxoa izan genuen eta jai giro aparta izan zen. Bingoa, apustua, musika... girotu zuten arratsaldea.🎤 Eskerrik asko parte hartu duzuen guztioi eta bereziki 6. mailakoei, zorte on etapa berrian!

Ekainaren 13an, LH3tik LH6ra arteko ikasleok bizikleta martxa egin genuen Asteasura. Goizean goiz abiatu ginen eskolatik, kaskoak jantzita eta bizikletak prest genituela. Asteasun goiza pasa genuen: atseden hartu, jolastu eta lagunekin primeran ibili ginen. Sekulako beroa egin zuen! 🌞 Eskolara bueltan, denak izerdituta eta nekatuta baina pozik iritsi ginen. Eta freskatzeko, busti egin ginen urarekin. 💦 Ibilbide eta egun politta izan zen.

Lehen zikloko ikasleek primeran lan egin dute. Ikas egoeran landutako eguzki sistemaren maketa ikusgarria sortu dute.

Modan dagoen txokolate fantastikoaren moldaketa. 2 zapore berrikin egindakoa: dinosaurio🦖 gailetarekin eta lotusekin🍪.  Mundiala!😋 Egileak: Elene eta Alize Errezeta hemen ikusgai:

Kaixo gu Manex eta Ohian gara. Gaur eskolan txokolatezko gailetak egin ditugu, oso goxoak geratu dira! 😋 Prozesua oso dibertigarria eta erraza izan da.  Gailetak etxean egin nahi badituzue hona hemen errezeta🏠👩‍🍳

 KAIXO GU IRAI ETA ALEX GARA, GAURKOAN KROKETAK EGIN DITUGU.  OSO GOXOAK ATERA ZAIZKIGU ETA ESKOLAN BANATU DITUGU ERE, SOBERAN GERATU DIRENAK ETXERA ERAMAN DITUGU. ZUEK ERE ETXEAN EGIN NAHI BADITUZUE, HONA HEMEN ERREZETA:

Ekainaren 6an, eguraldia lagun, LH3tik LH6ra arteko ikasleok Zarautzera joan ginen surfean ibiltzera. Olatuen artean ibiltzen eta taula gainean oreka mantentzen saiatu ginen eta batzuk lortu ere, artistak benetan!! Giro bikaina izan genuen, eta guztiok primeran pasa genuen. Bitartean, HHko eta Lehen Hezkuntzako lehen zikloko ikasleek ere Zarauzko hondartzan egun zoragarria igaro zuten. Hondarrean jolasean, uretara sartuz eta elkarrekin barre eginez, eguna gozatu zuten txikotxoak ere. Eguerdian, guztiok parke batera joan ginen bazkaltzera. Han gure indarrak berreskuratu genituen, eta ondoren, jolasteko tarte bat ere izan genuen. Eta nola ez, helatu goxo batekin borobildu genuen eguna! Datorren urtean gehiago! Hona hemen egunaren laburpentxo bat: Surf eguna

 Kaixo lagunak! Gaurkoan ikasturte amaierako 57.irratsaio berezi batekin gatoz, ikasle, irakasle eta familiek egindako ahalegina eta ilusioa ikusita, benetan harro sentitzen gara komunitate osoaz. Irratsaio honetan, ikasleen arteko elkarrizketak entzungo ditugu, atal ezberdinak aurkeztuko ditugu eta baita audio eta musika tarte batzuk ere.  Eskerrik asko denoi urte osoko lana eta konpromisoagatik. Zuekin batera, gehiago ikasten eta hazten jarraituko dugu. Gozatu irratsaioa eta udara bikaina igaro. Hemen entzungai: 👇 57.irratsaioa

Kaixo Axel eta Enaitz gara. Stop Motion proiektua aurrera eraman dugu aurrera. ZUBIA izena du gure istorioak eta atera dugun ondorioa ELKARLANEAN gauzak hobeto egiten direla da. Lan asko egin dugu  eta gustatzea espero dugu. Disfrutatu!  

Arrastsaldeko eremuetan Adunako ikasle batek pelikula bat egin du, jo eta ke lanean aritu eta gero bere lanaren fruituak ondorengo estekan dituzue:                                                         SLOW MOTION_AIMAR

  Aurreko astean, gure eskolan Literatur Astea ospatu genuen, eta benetan esperientzia berezia izan zen ikasleentzat. Literatur astea ikasleen kulturarako eta ikaskuntzarako garrantzitsua da, eta askotariko onurak ekartzen ditu. Aste osoan zehar, literatura munduarekin duten harremana indartu genuen, eta irakurketa eta istorioen bidez, ikasleek kultura aniztasuna ezagutu zuten. Hiru hizkuntzetan kontatu genituen ipuinak, gaztelaniaz, euskaraz eta ingelesez eta euskalki berria sartuz ere, Bermeotarrez istorioa entzuteko aukera izan zuten. Ikasleek beste hizkuntza eta kultura batzuk ikasi eta praktikan jarri ahal izan zituzten modu honetan. Horrela, irakurketa ez zen bakarrik hizkuntza bat ikasteko aukera, baizik eta munduaren ikuspegi zabalago bat lortzeko.  Gurasoak ere gonbidatu genituen gurera. Ikasleek asko gozatu zuten, eta ikusi genuen nola ingurune egokia erabiliz irakurketak ikasleen sormena eta imajinazioa suspertzen dituen. Horrekin batera, ikasleen artean elkartrukea...

Gaur goizean, gure ikastetxean e lkarlana eta dibertsioa izan dugu.  Jolas kooperatiboak izan dira protagonista. 3. zikloko ikasleek izan dute ekintza hau antolatzeko ardura eta benetan arrakasta handia izan du. Jolas kooperatiboek ikasleei aukera ematen diete elkarrekin lan egiteko, talde lana eta elkartrukea sustatuz, eta momentu hori dibertigarri eta aberasgarria bihurtzen da. Benetan gogotsu parte hartu dute jolas bakoitzean, hurrengoan gehiago!!

Apirilaren 4an, Lh3tik LH6rako ikasleek, eguraldi paregabearekin, kirol topaketak ospatu genituen Berazubin, HHko ikasleak berriz, erraldoiak ikustera joan ziren, denek inguruko herrietako eskola txikiekin batera igaro zuten goiza. Mundiala izan zen, eta parte-hartzaile guztiek elkarlanean eta laguntasunez osatutako giroa gozatu zuten. Bazkaltzera denok San Esteban auzoko parkera joan ginen, Aiztondoko eskolekin batera. Bertan, elkar ezagutzeko aukera izan genuen, jolasteko eta beste eskolekin egun bikaina igarotzeko. Harremanak sortu ziren, barreak eta emozioak partekatu ziren, eta guztiek parte hartu zuten jardueren dinamikan. Egun osoa gogotsu eta alai pasatu genuen, eta guztiei eskerrak ematen dizkiegu parte-hartzeagatik. Topaketa honek erakutsi zigun beste behin komunitatearen garrantzia eta elkarbizitza sustatzen jarraitzeko dugun aukera paregabea.

  Apirilaren 10ean, 3.irratsaioa egin genuen,  proiektu honekin komunikazioaren mundu zirraragarrian murgiltzea eta taldean lan egitea ahalbidetu zigun, gure sormena eta ideiak islatzen dituzten edukien ekoizpenean. Arratsaldean zehar, elkarrizketa, txisteak, asmakizunak, diskoen eskaintza,gure lanak etab...partekatu genituen.  Eta adi egon! Hurrengo irratsaioan, gauza gehiago kontatuko dizkizuegu. Ez galdu aukera eta entzun gure Berritsu Irratia!!98.2an!!                                                             👉 56.irratsaioa 👈 Eskerrik asko entzule guztiei eta ondo ondo pasa aste santuko oporrak!!

  Gaur, eskolan hilabeteroko irakurketa saio berezia ospatu dugu, bikoteka irakurtzen. Haurrak gustura aritu dira, lagunekin elkarbanatutako momentuak gozatuz eta elkarri entzunez. Halako saioek ez dute soilik irakurketarako zaletasuna bultzatzen; elkarrekiko errespetua, arreta eta harreman osasuntsuak sustatzen dituzte ere bai. Giro atsegin eta lasaian, haurrek irakurketaz gozatu dute. Horrelako ekimenek ikasgelako egunerokotasunari beste kolore bat ematen diote eta irakurmena modu natural eta atseginean lantzeko aukera paregabea dira. Hurrengo irakurketa saioaren zain geratzen gara! 📖

Making a simple catapult with popsicle sticks is a fun and easy project for primary 1 and 2 students!  Here's how you can make one: Materials Needed: 7 popsicle sticks 2 rubber bands A plastic spoon A marshmallow Steps: Build the base Create the launching arm Attach the launching arm to the base Add the spoon Ready to launch!                                                                                                                                                                                        ...

Ohianek artisten txokoa sortu du, eta datozten asteetarako lehiaketa bat proposatu du  🏆. Eskolako sarreran5koadro berri jarri ditu eta hauen izenak asmatzen duenak saria irabaziko du Nola parte hartu? 1.Artisten Txokoko koadroak ondo aztertu. 2.Haien izenak idatzi sarreran dauden papertxoetan. 3. Irabazi  🏅 Saria?? Ezin dugu aurreratu baina aho txikiarekin esaten dugu, bikaina izango dela. Epea: Martxoak 31ra arte!! Zorte on eta sormena martxan jarri, ikusiko dugu zein izan den zure begirada magikoena. Animatu parte hartzera!!                                                                       Oihanen koadroa                                                       ...

Gaur, martxoaren 24an, NIZU= programaren bitartez, Lasarteko Gureak industria empresa bisitatu dugu. Bertan, pertsona ezberdinen lan bideak ikusi ditugu, talde lanean lan egiten dute kate lana eginez. Enpresa honetan, garraiobide (kamioiak kotxeak...) marka ezberdinetarako kableak osatzen dituzte. Guk, Daf kamioarentzako fokoen kableak osatzeko aukera izan dugu eta prozesu guztia egiteko: Kableak montatu, neurtu eta ondo dauden konprobatu dugu.  ESKERRIK ASKO ZUEN LANBIDEA ERAKUSTEAGAITIK!!

Hirugarren zikloko ikasleok begiaren atalak ingelesez ikasten ibili gara. Behiaren begiaren disekzioa egin dugu eta honekin garunaren inguruko ikas egoera amaitu dugu. Horretarako, gainerako ikasleak gonbidatu genituen eta primeran pasatu genuen. Esperientzia bikaina! The students of the third cycle have been learning in English about the parts of the eye. We had the opportunity to analyze and perform a dissection of a cow's eye, and with that, we concluded the brain project. For this, we invited other students, and we had a great time. What an amazing experience!

2025eko otsailaren 21eko 2.irratsaioaren audio osoa eskuragarri duzute dagoeneko. Saioa galdu baduzu edo momentu onenak berriro entzun nahi badituzu, orain erraz entzun dezakezu gure blogetik. Egun horretan, gure ikasleek gidatu zuten irratsaioa, eta albisteak, elkarrizketak eta beste hainbat edukiren berri eman zuten. Ikaskuntza, ilusio eta sormenez betetako asteak eta eguna izan zen. Ez galdu aukera, eta entzuteko aukera izan egun horretan bizitakoa. Egin klik hemen audio osoa entzuteko! 👇   55.irratsaioa

Otsailaren 25ean, Adunako Herri Eskolan futbolin txapelketa bat burutu zen. Arratsaldeko eremuetan nire proiektua futbolin bat egitea izan zen. Horretarako kartoia, papera eta egurrezko kaxa bat erabili nuen egiteko eta  gutxi gorabehera hilabete bat eta erdi egon nintzen buru belarri horretan. Lehiaketan 16 ikaskideek jokatu zuten, binaka elkarren aurka. Partida bakoitzaren irabazleak aurrera jarraitzen zuen eta helburua domina lortzea zen. Garaipena Aitana Berasarterentzat izan zen.

Egitararau oparoa izan genuen emakumearen egunaren bezperan, gela barruan txoko desberdinak prestatu genituen, frontoiean zumba egiteko aukera izan genuen eta eguna bukatzeko lilatoia ospatu genuen. Arratsalde bikaina izan zen.  ♀️ Aukera berdintasunaren alde gau eta egun!  ♀️

Inauteri giroz bete da Aduna ostiral mehez. Mozorroak soinean,Otsailak 28an ospatu genituen inauteriak Aduna Herri eskolan. Eskolako komunitate osoak kaleak alaitu eta koloreztatu zituen kalejiran eta gela bakoitzak dantza bat eginez.  Plazan  denok batera dantzatuz bukatu genuen arratasaldea, giro ederra nagusitu zen.

TITIRI-JAI       Azaroak 29an Ostiralean, Tolosara joan ginen, txontxogiloak ikustera. Ostiral goizean 09:30etan autobusa hartu eta Tolosa aldera abiatu ginen, Tolosara iritsi ginenean areto batera iritsi ginenean esan ziguten beste areto batean ikusi behar genuela, orduan neska batekin joan ginen beste aretora. Beste aretora iritsi ginenean filan jarri ginen aretora sartzeko, eskola gehiago baitzeuden. Aretora sartu ginenean aretoko aulkietan eseri ginen, emanaldia hasi behar zuenean  arazo txiki bat gertatu zitzaien, 5 minutu egon ginen itxaroten baino segituan konpondu zuten, emanaldia hasi eta gutxigora behera 2 ordu iraun zituen. Hamaiketakoa sokadun parkean egin genuen eta bazkaltzera beste parke batera joan ginen. Oso egun polita izan zen eta eguraldi bikaina izan genuen.  Hau izan da 2024ko azken argitalpena.  Ondo ondo pasa Gabonak! eta URTEBERRI  ON!!